திரைப்பட இயக்குநர் பாரதிராஜா உடல்நலக்குறைவு காரணமாக மருத்துவமனையில் சிகிச்சை பெற்று இல்லம் திரும்பியதையொட்டி தமிழ்நாடு முதலமைச்சர் மு.க.ஸ்டாலின் இன்று நீலாங்கரையில் உள்ள அவரது இல்லத்திற்கு சென்று சந்தித்து, உடல்நலம் விசாரித்தார்.

முன்னதாக திரைப்பட இயக்குநர் பாரதிராஜா உடல்நலக்குறைவு காரணமாக மருத்துவமனையில் அனுமதிக்கப்பட்டு சிகிச்சை பெற்று வரும் செய்தியறிந்து மு.க.ஸ்டாலின், பாரதிராஜாவின் மனைவியை தொலைபேசி வாயிலாக தொடர்பு கொண்டு உடல்நலம் குறித்து விசாரித்தறிந்தார். தற்போது பாரதிராஜா உடல் நலம் பெற்று இல்லம் திரும்பியதையடுத்து மு.க.ஸ்டாலின் நேரில் சந்தித்து நலம் விசாரித்தார்.

இச்சந்திப்பின்போது நகராட்சி நிர்வாகத் துறை அமைச்சர் கே.என்.நேரு, கவிப்பேரரசு வைரமுத்து, பாரதிராஜாவின் மகன் மனோஜ் ஆகியோர் உடனிருந்தனர்.