2009ஆம் ஆண்டு வெளியாகி, உலகம் முழுவதும் வசூல் சாதனை செய்த படம் அவதார்.

ஜேம்ஸ் கேமரூன் இயக்கிய இந்த படத்தின் 2ஆம் பாகம் உலகம் முழுவதும் கடந்த 16ந் தேதி ‘அவதார் : தி வே ஆஃப் வாட்டர்’ என்ற பெயரில் 160 மொழிகளில் வெளியானது.

இந்தியாவில் ஆங்கிலம், தமிழ், இந்தி, தெலுங்கு, கன்னடம், மலையாளம் ஆகிய மொழிகளில் வெளியான இந்தப் படம் வெளியான பத்தே நாட்களில் உலகளவில் 7000 கோடி ரூபாய் வசூல் செய்ததாக தகவல் வெளியாகியுள்ளது.

சர்வதேச அளவில் கவனம் ஈர்த்த அவதார் 2 படம், இந்தியாவில் மட்டும் 300 கோடி ரூபாய்க்கும் அதிகமாக வசூலித்து, ‘AVENGERS END GAME’ படத்திற்கு அடுத்தப்படியாக இந்தியாவில் வெளியான மிகப்பெரிய ஹாலிவுட் படமாக உருவெடுத்துள்ளது குறிப்பிடத்தக்கது.