புது டெல்லி : இலங்கை கிரிக்கெட் அணி இந்தியாவில் சுற்றுப்பயணம் மேற்கொண்டு விளையாட உள்ளது.

இலங்கை அணியுடன் டி20 போட்டிகளில் விளையாடும் இந்திய அணிக்கு கேப்டனாக ஹர்திக் பாண்டியாவும், துணை கேப்டனாக சூர்யகுமார் யாதவும், இரு அணிகளுக்கும் இடையே நடைபெறும் ஒருநாள் கிரிக்கெட் தொடருக்கான இந்திய அணிக்கு கேப்டனாக ரோஹித் சர்மாவும், துணை கேப்டனாக ஹர்திக் பாண்டியாவும் தேர்ந்தெடுக்கப்பட்டுள்ளனர்.

டி20 தொடருக்கான இந்திய அணியில் ஹர்திக் பாண்டியா (கேப்டன்), இஷான் கிஷன், ருதுராஜ் கெய்க்வாட், ஷீப்மன் கில், சூர்யகுமார் யாதவ் (துணை கேப்டன்), தீபக் ஹூடா, ராகுல் திரிபாதி, சஞ்சு சாம்சன், வாஷிங்டன் சுந்தர், யுஜவேந்திர சஹல், அக்ஸர் படேல், அர்ஷ்தீப் சிங், ஹர்ஷல் படேல், உம்ரான் மாலிக், ஷிவம் மாவி, முகேஷ் குமார் ஆகியோரும்,
ஒரு நாள் தொடருக்கான இந்திய அணியில் ரோஹித் சர்மா (கேப்டன்), ஷூப்மன் கில், விராட் கோலி, சூர்யகுமார் யாதவ், ஷ்ரேயஸ் ஐயர், கே.எல் ராகுல், இஷான் கிஷண், ஹர்திக் பாண்டியா (துணை கேப்டன்), வாஷிங்டன் சுந்தர், யுஜவேந்திர சஹல், குல்தீப் யாதவ், அக்ஸர் படேல், முகமது ஷமி, முகமது சிராஜ், உம்ரான் மாலிக், அர்ஷ்தீப் சிங் ஆகியோரும் இடம்பெற்றுள்ளனர்.

டி20 தொடருக்கான முதல் போட்டி மும்பையில் ஜனவரி 3ந் தேதியும், 2வது போட்டி புனேவில் ஜனவரி 5ந் தேதியும், 3வது போட்டி ராஜ்கோட்டில் ஜனவரி 7ந் தேதியும் நடைபெறவுள்ளன.

இரு அணிகளுக்கும் இடையே முதல் ஒருநாள் போட்டி கவுகாத்தியில் ஜனவரி 10ந் தேதியும், 2வது ஒருநாள் போட்டி கொல்கத்தாவில் ஜனவரி 12ந் தேதியும், 3வது ஒருநாள் போட்டி திருவனந்தபுரத்தில் ஜனவரி 15ந் தேதியும் நடைபெறவுள்ளன.