Sony நிறுவனத்தின் பிரபல ஸ்மார்ட் டிவி வரிசையான Bravia சீரிஸ் கருவிகளில் புதிதாக X82L TV சீரிஸ் வெளியாகியுள்ளது. இதில் 55இன்ச், 65இன்ச், 75இன்ச் என மூன்று விதமான ஸ்க்ரீன் அளவுகளில் டிவி வெளியாகியுள்ளது. இந்த டிவி அனைத்தும் Google TV பிளேட்போர்ம் மூலமாக இயங்கும். இந்த டிவியில் இருக்கும் வேறு சிறப்பம்சங்கள் குறித்த விவரங்களை பார்ப்போம்.

இந்தியாவில் பிரீமியம் டிவி விற்பனை செய்யும் Sony நிறுவனம் அதன் Bravia சீரிஸ் தொலைக்காட்சிகளில் புதிய டிவி ஒன்றை வெளியிட்டுள்ளது. இந்த டிவி விற்பனை வரும் ஜூன் 22 முதல் இந்தியாவில் இருக்கும் Sony சென்டர், ரீடைல் கடைகள் என பல இடங்களில் கிடைக்கும்.

இந்த வரிசை டிவி ஒரு நேரடி LED திரை கொண்டு உருவாக்கப்பட்டுள்ளது. இதில் Sony Triluminos Pro, 4K HDR டிஸ்பிளே, MotionFlow XR, Brightness Optimisation, Dolby Vision மற்றும் Dolby Atmos வசதி இடம்பெற்றுள்ளது.

இதில் Acoustic Multi Audio வசதி இருப்பதால் நமக்கு நேரடியாக இருந்து கேட்பது போன்ற அனுபவம் கிடைக்கும். இதனுடன் Dolby Atmos சவுண்ட் இருப்பதால் மேலும் நமக்கு அதிக திறனுடன் ஆடியோ கேட்கும்.

இதில் 10 ஆயிரத்திற்கும் மேற்பட்ட ஆப் பயன்படுத்தலாம். மேலும் Google TV வசதியுடன் நம்மால் நேரலையில் டிவி, திரைப்படங்கள், வெப் சீரிஸ், கேமிங் என பல விஷயங்களை பார்க்கமுடியும்.

இதில் Bravia Core App மூலம் நம்மால் 12 மாதங்களுக்கு 4K Blu Ray தரத்தில் ஸ்ட்ரீமிங் செய்யலாம். இதன் மூலமாக Dolby Atmos மற்றும் IMAX தரத்தில் பார்க்கமுடியும்.

இந்த டிவியை நாம் PS5 கன்சோல் உடன் சுலபமாக கனெக்ட் செய்யலாம். இதில் HDMI 2.1, Auto Latency Mode, Apple Homekit, Airplay வசதி போன்றவை இருப்பதால் சுலபமாக நம்மால் ஸ்ட்ரீமிங் செய்யமுடியும்.

இந்த ஸ்மார்ட் டிவியின் 55 இன்ச் மாடல் 91,990 ஆயிரம் ரூபாய் விலையிலும், 65 இன்ச் மாடல் 1,24,990 லட்சம் ரூபாய் விலையிலும் கிடைக்கும். இதன் 75 இன்ச் மாடல் விலை இன்னும் அறிவிக்கப்படவில்லை. வரும் ஜூன் 2 முதல் 55 மற்றும் 65 இன்ச் டிவி விற்பனை செய்யப்படும்.