முகேஷ் அம்பானி தலைமையிலான ரிலையன்ஸ் Jio (Reliance Jio) நிறுவனமானது, Jio மொபைல் நம்பர்கள் தொடர்பான ஒரு புதிய வசதியை அறிமுகம் செய்துள்ளது. அதென்ன வசதி? இதனால் Jio நம்பர்களுக்கு வரும் மாற்றம் என்ன? ரூ.499 கட்டணம் எதற்காக? இதோ விவரங்கள்; Jio நிறுவனமானது Jio Choice என்கிற புதிய வசதியை அறிமுகம் செய்துள்ளது, இதன் பெயர் குறிப்பிடுவது போலவே, இது அனைத்து Jio பயனர்களுக்குமான ஒரு வசதி அல்ல, இது யாருக்கெல்லாம் தேவையோ அவர்கள் மட்டும் இதை பயன்படுத்தி கொள்ளலாம்.

Jio சாய்ஸ் வசதியின் கீழ், உங்கள் மொபைல் நம்பரை நீங்களே தேர்வு செய்துகொள்ள முடியும். அதாவது உங்களுடைய புதிய Jio மொபைல் நம்பரில் உள்ள கடைசி 4 முதல் 6 இலக்கங்களை (Last 4 to 6 Digits) உங்கள் விருப்பப்படி நீங்களே தேர்வு செய்த கொள்ள முடியும். எடுத்துக்காட்டாக உங்கள் பிறந்தநாள் 6-9-1990 (1996 ஆம் ஆண்டு செப்டம்பர் 6) என்று வைத்துக்கொள்வோம். அதை உங்கள் Jio மொபைல் நம்பரில் சேர்க்க விரும்பினால், Jio சாய்ஸ் வசதியின் கீழ் உங்களுடைய மொபைல் நம்பரின் கடைசி 6 இலக்கங்களை 691990 ஆக தேர்வு செய்யமுடியும்.

பிறந்த தேதியை மட்டுமல்ல, உங்களுக்கு விருப்பமான எந்த இலக்கங்களையும் உங்களால் தேர்வு செய்ய முடியும். அது உங்களுடைய அதிர்ஷ்ட எண்ணாக இருக்கலாம் அல்லது எளிமையாக நினைவில் வைத்துக்கொள்ள கூடிய வரிசையான எண்களாக கூட இருக்கலாம், இப்படி எதை வேண்டுமானாலும் நீங்கள் தேர்வு செய்யலாம்.