இப்படி ஒரு நோக்கியா (NOKIA) போனுக்கு தான் பலரும் ஏங்கினோம் என்று கூறவைக்கும் படியாக, நோக்கியா பிராண்டட் மொபைல் போன்களை தயாரிக்கும் உரிமம் பெற்றுள்ள எச்எம்டி குளோபல் (HMD Global) நிறுவனமானது ஒரு புதிய ஸ்மார்ட்போனில் பணியாற்றி வருவதாக தகவல் வெளியாகியுள்ளது.
144 மெகாபிக்சல் மெயின் கேமரா, 7900 எம்ஏஎச் பேட்டரி, அல்ட்ரா ஃபாஸ்ட் 5ஜி வேகம் போன்ற முக்கிய அம்சங்களுடன் தயாராகும் இந்த புதிய நோக்கியா ஸ்மார்ட்போனின் மாடல் பெயர் என்ன? இது வேறு என்னென்ன அம்சங்களை உடையது? எப்போது அறிமுகமாகும்?

எச்எம்டி குளோபல் நிறுவனமானது Nokia Aurora Ultra 5G 2023 (Nokia Aurora Ultra 5G 2023) என்கிற ஆண்ட்ராய்டு ஸ்மார்ட்போனில் வேலை செய்வதாக கூறப்படுகிறது. இப்புதிய நோக்கியா ஸ்மார்ட்போனானது அதிநவீன தொழில்நுட்பம் மற்றும் விதிவிலக்கான செயல்திறனை வழங்கும் என்றும் எதிர்பார்க்கப்படுகிறது. புதிய அரோரா அல்ட்ரா 5ஜி ஆனது நேர்த்தியான மற்றும் ஸ்டைலான வடிவமைப்பை கொண்டிருக்கும் என்று எதிர்பார்க்கப்படுகிறது. பெரும்பாலானோர்களின் கைக்குள் வசதியாக பொருந்தும்படி மெலிதான டிசனையும் கொண்டிருக்கும். இதில் இடம்பெறும் டிஸ்பிளேவானது அற்புதமான வியூவிங் எக்ஸ்பீரியன்ஸை வழங்கும் என்றும் கூறப்படுகிறது.

இதன் பெயர் குறிப்பிடுவது போலவே, இதுவொரு 5ஜி ஸ்மார்ட்போனாக இருக்கும். ஒப்பிடமுடியாத செயல்திறன், தடையற்ற Multi-tasking, மென்மையான App Navigation மற்றும் Lag-free Gaming வழங்குவதற்காக இதில் உயர் செயல்திறன் கொண்ட சிப்செட் பேக் செய்யப்படும்.