தேவையான பொருட்கள்:
இறால் – 1/2 kg
பெரிய வெங்காயம் – 2
தக்காளி – 1
பச்சைமிளகாய் – இரண்டு
இஞ்சி பூண்டு பேஸ்ட் – 2 ஸ்பூன்
மிளகு தூள் – 2 ஸ்பூன்
மல்லித்தூள் – 2 ஸ்பூன்
மிளகாய்த்தூள் – முக்கால் ஸ்பூன்
சீரகத்தூள் – அரை ஸ்பூன்
கரம் மசாலா தூள் – முக்கால் ஸ்பூன்
நல்லெண்ணெய் – 5 ஸ்பூன்
உப்பு – தேவையான அளவு

செய்முறை:

* வெங்காயத்தை ஒன்றிரண்டாக மிக்ஸியில் போட்டு அடித்து வைத்துக் கொள்ளவும்.

* தக்காளியை நைஸ் பேஸ்ட்டாக அரைத்து வைத்துக் கொள்ளவும்.

* கடாயை அடுப்பில் வைத்து எண்ணெய் ஊற்றி அரைத்து வைத்துள்ள வெங்காயம், இஞ்சி பூண்டு பேஸ்ட் போட்டு நன்கு வதக்கவும்.

* வெங்காயம் பொன்னிறமாகும் வரை வதக்கி அதில் மிளகு தூள், மல்லித்தூள், மிளகாய்த்தூள், மஞ்சள்தூள், கரம் மசாலாத்தூள், சீரகத்தூள் போட்டு பச்சை வாசனை போக நன்கு வதக்கவும்.

* பின்பு அதனுடன் தக்காளி விழுது சேர்த்து ஐந்து நிமிடம் வதக்கி இரண்டு டம்ளர் தண்ணீர் சேர்த்து நன்கு கொதிக்க விடவும்.

* பின்பு அதனுடன் மஞ்சள் தூள் ,போட்டு கழுவிய இறால் ,தேவையான அளவுக்கு உப்பு போட்டு ஒரு கொதி கொதிக்கவிட்டு கடாயை மூடி அடுப்பை 10 நிமிடம் சிம்மில் வைக்கவும்.

* அடிக்கடி திறந்து பார்த்து கிளறி விடவும்.

* இறால் நன்கு வெந்து கிரேவி பதம் வந்தவுடன் மல்லித்தழை தூவி இறக்கினால் மிகவும் சுவையான இறால் பெப்பர் கிரேவி ரெடி.