சிட்ரோன் இந்தியா நிறுவனத்தின் மூன்றாவது மாடலான 5+2 இருக்கை வசதி பெற்ற C3 ஏர்கிராஸ் எஸ்யூவி மாடலுக்கான முன்பதிவு செப்டம்பர் 15 ஆம் தேதி துவங்க உள்ளதால் விற்பனைக்கு இந்த மாத இறுதியில் விலை அறிவிக்கப்பட்டு, டெலிவரி அக்டோபரில் நடைபெற உள்ளது. 5500rpm-ல் 110 PS பவர் மற்றும் 1750rpm-ல் 190Nm டார்க் வெளிப்படுத்தும் 1.2 லிட்டர் ப்யூர்டெக் டர்போ சார்ஜ்டு பெட்ரோல் என்ஜின் பொருத்தப்பட்டிருக்கும். இதில் 6 வேக மேனுவல் கியர்பாக்ஸ் இடம்பெற்றுள்ளது. சிட்ரோன் C3 ஏர்கிராஸ் மைலேஜ் 18.5 Kmpl என ARAI சான்றிதழ் வழங்கியுள்ளது.

C3 ஏர்கிராஸ் எஸ்யூவி காரின் பரிமாணங்கள் 4300mm நீளம், 1796mm அகலம் மற்றும் 1654mm உயரம் கொண்டிருக்கின்றது. போட்டியாளர்களை விட கூடுதலான வீல்பேஸ் 2671mm கொண்டிருப்பதுடன், மேலும் எந்த போட்டியாளர்களிடமும் இல்லாத 200mm கிரவுண்ட் கிளியரண்ஸ் கொண்ட காராகும். 10 அங்குல தொடுதிரை இன்ஃபோடெயின்மென்ட் சிஸ்டம் வழங்கப்பட்டு வயர்லெஸ் ஆண்ட்ராய்டு ஆட்டோ மற்றும் ஆப்பிள் கார் ப்ளே, மேனுவல் முறையிலான ஏசி கண்ட்ரோல், இரண்டாவது வரிசை கூரையில் பொருத்தப்பட்ட ஏசி வென்ட் மற்றும் ஐந்து ஃபாஸ்ட்-சார்ஜர் போர்ட் மற்றும் 7 இன்ச் டிஜிட்டல் டிரைவரின் டிஸ்ப்ளே பெற்றிருக்கும். சி-பிரிவு எஸ்யூவி சந்தையில் உள்ள போட்டியாளர்களை விட மிக குறைந்த விலையில் சி3 ஏர்கிராஸ் விலை அறிவிக்கப்படலாம்.