சர்வதேச டென்னிஸ் தரவரிசை பட்டியலில் செர்பியாவின் நோவக் ஜோகோவிச் முதலிடம் பிடித்து வெற்றியை கைப்பற்றினார். 35 வயதான செர்பியாவின் நோவக் ஜோகோவிச் நிறைவடைந்த ஆஸ்திரேலிய ஓபன் தொடரில் சாம்பியன் பட்டம் வென்றார். கிராண்ட் ஸ்லாம் தொடரில் அவர் கைப்பற்றிய 22-வது பட்டம் இதுவே ஆகும். இதன் மூலம் 7,070 புள்ளிகளுடன் சர்வதேச டென்னிஸ் தரவரிசை பட்டியலில் ஜோகோவிச் 4 இடங்கள் முன்னேறி முதலிடத்தை தக்க வைத்துள்ளார்.

முதலிடம் வகித்து வந்த ஸ்பெயினின் கார்லோஸ் அல்கராஸ் காயம் காரணமாக ஆஸ்திரேலிய ஓபனில் கலந்து கொள்ளாததால், தரவரிசை பட்டியலில் 2-வது இடத்துக்கு தள்ளப்பட்டுள்ளார். ஜோகோவிச்சிடம் இறுதிப் போட்டியில் தோல்வி அடைந்த கிரீஸ் வீரர் ஸ்டெபனோஸ் சிட்சிபாஸ் ஓர் இடம் முன்னேறி 6,195 புள்ளிளுடன் 3-வது இடத்தில் உள்ளார்.

நார்வே வீரர் காஸ்பர் ரூட் 4-வது இடத்துக்கு தள்ளப்பட்டுள்ளார். ஆஸ்திரேலிய ஓபன் கால் இறுதி சுற்றில் ஜோகோவிச்சிடம் தோல்வி அடைந்த ரஷ்யாவின் ஆந்த்ரே ரூப்லெவ் ஓர் இடம் முன்னேறி 5-வது இடத்தை அடைந்தார். 2-வது சுற்றுடன் வெளியேறிய ஸ்பெயினின் ரபேல் நடால் 4 இடங்கள் பின்தங்கி 6-வது இடத்தில் உள்ளார். கனடாவின் பெலிக்ஸ் ஆகர்-அலியாசிம், அமெரிக்காவின் டெய்லர் ஃபிரிட்ஸ், டென்மார்க்கின் ஹோல்கர் ரூன், போலந்தின் ஹூபர்ட் ஹர்காக்ஸ் ஆகியோர் முறையே 7 முதல் 10-வது இடத்தை பிடித்துள்ளனர்.

மகளிருக்கான டென்னிஸ் தரவரிசை பட்டியலில் ஆஸ்திரேலிய ஓபனில் பட்டம் வென்ற பெல்லாரசின் சபலெங்கா 6,100 புள்ளிளுடன் 2-வது இடத்தில் முன்னேறியுள்ளார். போலந்தின் இகாஸ்வியாடெக் 10,485 புள்ளிகளுடன் முதலிடத்தில் தக்கவைத்துள்ளார். இதனால் துனிசியாவின் ஜபூர் 3-வது இடத்துக்கு தள்ளப்பட்டார். அமெரிக்காவின் ஜெசிகா பெகுலா 4-வது இடத்துக்கும், பிரான்ஸின் கரோலின் கார்சியா 5-வது இடத்துக்கு தள்ளப்பட்டுள்ளனர். ஆஸ்ரேலிய ஓபன் இறுதிப் போட்டியில் தோல்வி அடைந்த கஜகஸ்தானின் எலெனா ரைபகினா 15 இடங்கள் முன்னேறி 10-வது இடத்திற்கு முன்னேறியுள்ளோர்.