சென்னை : சென்னை மாவட்ட ஆட்சியர் அமிர்தஜோதி வெளியிட்டுள்ள செய்திக்குறிப்பில் தெரிவித்திருப்பதாவது,

மத்தியப் பணியாளர் தேர்வாணையத்தால் அறிவிக்கப்பட்டுள்ள SSC (CHSIL) – 2022 போட்டித் தேர்வுக்கு, இலவச நேரடிப் பயிற்சி வகுப்புகள் சென்னையில் வரும் திங்கள்கிழமை (19.12.2022) காலை 10.30 மணிக்கு நடைபெற உள்ளது.

இப்பயிற்சி வகுப்பில் சேர, தேர்வுக்கு விண்ணப்பித்தவர்கள் மற்றும் விண்ணப்பிக்கவுள்ள தகுதியுள்ள போட்டியாளர்கள் தங்களது ஆதார் அட்டை நகல், விண்ணப்பப்படிவ நகல் மற்றும் பாஸ்போர்ட் அளவுள்ள புகைப்படத்துடன் மேற்குறிப்பிட்ட நாளில் சென்னை- 32, கிண்டி, மாவட்ட வேலைவாய்ப்பு மற்றும் தொழில் நெறி வழிகாட்டும் மையத்தின் தன்னார்வ பயிலும் வட்டத்தில் நடத்தப்படும் கட்டணமில்லா பயிற்சி வகுப்பில் நேரடியாக கலந்துகொள்ளலாம்.

மேலும் விவரங்களுக்கு, இவ்வலுவலக தொலைபேசி எண்கள் : 94999 66026. 88709 76654 மற்றும் 044 – 2250 0835, 94999 66023 என்ற எண்களை தொடர்பு கொள்ளலாம்.

இவ்வாறு அந்த செய்திக்குறிப்பில் தெரிவிக்கப்பட்டுள்ளது.