இன்ஸ்டாவில் தொடர்ந்து தன் ரசிகர்களுக்கு தரிசனம் தந்து வந்த லட்சுமி மேனன், நீண்ட இடைவெளிக்குப் பிறகு சந்திரமுகி 2 படம் மூலம் ரீ எண்ட்ரி தரும் நிலையில், அவரது ரசிகர்கள் உற்சாகத்தில் ஆழ்ந்துள்ளனர்.
2005ஆம் ஆண்டு ரஜினிகாந்த், ஜோதிகா, பிரபு, நயன்தாரா, வடிவேலு ஆகியோர் நடிப்பில் வெளியாகி பிளாக் பஸ்டர் ஹிட் அடித்த படம் சந்திரமுகி. பி.வாசு இயக்கிய இப்படம் 700 நாட்களுக்கும் மேல் திரையரங்குகளில் ஓடி தமிழ் சினிமாவில் மிகப்பெரும் சாதனை படைத்தது.

இந்நிலையில் இந்தப் படத்தின் இரண்டாம் பாகத்தை எடுக்க இயக்குநர் பி.வாசு கடந்த சில ஆண்டுகளாகவே தொடர்ந்து முயற்சிகள் மேற்கொண்டு வந்தார். இந்நிலையில் நடிகர் ராகவா லாரன்ஸை வைத்து இப்படத்தின் படப்பிடிப்பு முன்னதாகத் தொடங்கி விறுவிறுப்பாக நடைபெற்று வந்தது.