இன்றைய காலகட்டத்தில் கேஷ் பரிவர்த்தனைகளை விட ஆன்லைன் பரிவர்த்தனைகள் அதிக அளவில் நடைபெற்று வருகிறது. எங்கு சென்றாலும் கேஷ் எடுத்துச் செல்ல வேண்டிய கட்டாயத்தை இந்த ஆன்லைன் ட்ரான்ஸாக்ஷன் முறை போக்கிவிட்டது. இது பலருக்கு சௌகரியமான ஒரு பணம் செலுத்தும் முறையாக அமைகிறது. ஆனால் பல நேரங்களில் நாம் UPI மூலமாக பணம் அனுப்பும்பொழுது தவறான யூசரின் ID-க்கு பணத்தை ட்ரான்ஸ்ஃபர் செய்து இருப்போம். அவ்வாறு செய்துவிட்டால் பணத்தை தவறாக அனுப்பி விட்டோமே என்று நினைத்து வருந்த வேண்டிய அவசியம் இல்லை. எந்த ஒரு பிரச்சனைக்கும் சுலபமான ஒரு தீர்வு இருப்பது போலவே இந்த பிரச்சனைக்கும் ஒரு தீர்வு இருக்கிறது.

தவறான அக்கவுண்ட்டிற்கு நீங்கள் அனுப்பிய பணத்தை எப்படி உங்கள் அக்கவுண்ட்டிற்கு திரும்ப பெறுவது என்பது குறித்து இங்கே பார்க்கலாம். நீங்கள் GPay, PhonePay, PayTm அல்லது எந்த ஒரு UPI அப்ளிகேஷனை பயன்படுத்தி பிறருக்கு பணம் ட்ரான்ஸ்ஃபர் செய்து இருந்தாலும் உடனடியாக அந்த அப்ளிகேஷனின் கஸ்டமர் கேர் சப்போட்டை கால் செய்யவும். அவர்களுக்கு போன் செய்தவுடன் நீங்கள் தவறுதலாக வேறு ஒரு UPI IDக்கு பணத்தை ட்ரான்ஸ்ஃபர் செய்து விட்டீர்கள் என்று நீங்கள் புகார் செய்ய வேண்டும். ஒரு வேளை இந்த பிரச்சனைக்கு UPI அப்ளிகேஷனின் கஸ்டமர் சப்போர்ட் தரப்பிலிருந்து உங்களுக்கு எந்த ஒரு உதவியும் கிடைக்கவில்லை என்றால் நீங்கள் உடனடியாக NPCI போர்ட்டலில் சென்று புகார் அளிக்க வேண்டும். இதில் புகாரை எப்படி பதிவு செய்ய வேண்டும் என்பதை குறித்து பார்க்கலாம்.

NPCI போர்ட்டலில் புகார் அளிப்பது எப்படி?

*புகாரை பதிவு செய்வதற்கு முதலில் நீங்கள் NPCI போர்ட்டலுக்கு செல்ல வேண்டும்.

*அதன் பிறகு வாட் வி டூ (What we do) டேபை செலக்ட் செய்து கொள்ளுங்கள்.

*இப்பொழுது உங்கள் ஸ்கிரீனில் புதிய பேஜ் ஒன்று திறக்கப்படும்.

*இப்போது UPI ஆப்ஷனை தேர்வு செய்து கொள்ளுங்கள்.

*அடுத்து டிஸ்ப்யூட் ரீடிரசல் மெக்கானிசம் (Dispute Redressal Mechanism) என்பதை தேர்வு செய்யவும்.

*பின்னர் உங்களது புகாரை இப்பொழுது நீங்கள் பதிவு செய்யலாம்.

*உங்கள் புகாரை பதிவு செய்த பிறகு சப்மிட் (Submit) என்பதை கிளிக் செய்யவும்.

RBI -யிடம் புகாரளித்தல்

பணத்தை நீங்கள் தவறுதலாக வேறொரு அக்கவுண்ட்டிற்கு UPI மூலமாக ஆன்லைன் ட்ரான்சாக்ஷகன் செய்து விட்டால் இது குறித்து நீங்கள் ரிசர்வ் பேங்க் ஆஃப் இந்தியாவிடம் கூட புகார் அளிக்கலாம். ரிசர்வ் பேங்க் ஆஃப் இந்தியாவில் நீங்கள் எழுத்துப்பூர்வமான புகாரை கொடுக்க வேண்டும். இது தவிர நீங்கள் RBI கம்ப்ளைன்ட் மேனேஜ்மென்ட் சிஸ்டம் (Complaint Management System – CMS) -லும் புகார் அளிக்கலாம் அல்லது RBI அலுவலகத்திற்கு போன் செய்வதன் மூலமாகவும் நீங்கள் புகார் அளிக்கலாம்.

எனவே தவறான யூசர் ID -க்கு UPI ட்ரான்ஸாக்ஷன் செய்த உடனேயே நீங்கள் உங்கள் புகாரை பதிவு செய்ய வேண்டும். எனினும், எந்த ஒரு ஆன்லைன் பேமெண்ட் செய்வதற்கு முன்பும் கவனமாக இருப்பது மிகவும் அவசியம்.