பாரதி 100 நினைவு நூற்றாண்டு மலர், ஆசிரியர்: வீ.ப. ஜெயசீலன், இ.ஆ.ப.,

வ.உ.சி. 150 மலர், ஆசிரியர்: வீ.ப. ஜெயசீலன், இ.ஆ.ப.,

வெளியீடு: தமிழ்நாடு செய்தி மக்கள் தொடர்புத்துறை

மகாகவி பாரதியின் நினைவு நூற்றாண்டைச் சிறப்பிக்கும் வகையில் ‘பாரதி நினைவு நூற்றாண்டு மலர்’ தமிழ்நாடு அரசால் வெளியிடப்பட்டுள்ளது. பாரதி இயல் அறிஞர்களின் கட்டுரைகள், பாரதியின் சமகாலத்தவர்களின் கட்டுரைகள் என இந்நூல் தொகுக்கப்பட்டுள்ளது. பெரியார், முன்னாள் முதல்வர்கள் அண்ணா, மு.கருணாநிதி, முதல்வர் மு.க.ஸ்டாலின் ஆகியோரின் கட்டுரைகளும் தொகுப்புக்குச் சிறப்புச் சேர்க்கின்றன. மூத்த பாரதி ஆய்வாளர் சீனி விசுவாநதனின் கட்டுரை தொகுக்கப்பட்டதன் மூலம் அவருக்கு இந்நூல் சிறப்புச் செய்துள்ளது. தொ.மு.சி. ரகுநாதன், ஆ.இரா.வேங்கடாசலபதி, ய.மணிகண்டன், பழ.அதியமான், பாரதி கிருஷ்ணகுமார், கடற்கரய் மத்தவிலாக அங்கதம், பாரதி பாஸ்கர் உள்ளிட்ட ஆளுமைகளின் கட்டுரைகளும் இதில் கவனத்துடன் தொகுக்கப்பட்டுள்ளன.

விடுதலைப் போராட்ட வீரரான வ.உ.சிதம்பரனாரின் 150ஆவது பிறந்த ஆண்டைச் சிறப்பிக்கும் வகையில், தமிழ்நாடு அரசு சிறப்பு மலரை வெளியிட்டுள்ளது. வ.உ.சி. என்னம் ஆளுமையைப் பறைசாற்றும் விதமாக அரிய தகவல்கள் இதில் தொகுத்தளிக்கப்பட்டுள்ளன. வ.உ.சி. இயல் குறித்துக் கவனம் கொள்ளத்தக்க ஆய்வுக்ளைச் செய்த அறிஞர்கள் பலரின் கட்டுரைகள் இந்தத் தொகுப்புக்குச் சிறப்பு சேர்க்கின்றன. பேராசிரியர் வீ.அரசு, ஆ.சிவசுப்பிரமணியன், ஆ.இரா.வேங்கடசலபதி, ஆகியோரின் கட்டுரைகள் அந்த வகையில் குறிப்பிடத்தகுந்தவை. இவை அல்லாமல் ப. திருமாவேலன். ரெங்கையா முருகன் உள்ளிட்டவர்களின் கட்டுரைகளும் இதில் தொகுக்கப்பட்டுள்ளன. சுதந்திரப் போராட்ட வீரர் என்பதைத் தாண்டி, அவரின் பன்முகத்தைத் தெரிந்துகொள்ள இந்நூல் உதவும்.

செய்தித் துறையின் வெளியீடுகளான சிறப்பு மலர்களை சென்னை புத்தகக் காட்சியில் அரங்கம் எண்306ல் சிறப்பு விலையில் பெறலாம்