வாகன பயன்பாட்டில் சூழல் மாசுபாட்டை உருவாக்காத வகையில் அதன் பயன்பாட்டை உறுதி செய்யும் வகையிலும், வாடிக்கையாளர்களின் விருப்பத்துக்கேற்ற வகையிலும் வாகனத் தயாரிப்பில் ஈடுபட்டு உலக அளவில் முன்னணி நிறுவனமாக திகழும் டி.வி.எஸ் மோட்டர் நிறுவனம் 2.2 கிலோவாட் பேட்டரி சக்தி கொண்ட டி.வி.எஸ் ஐகியூப் (TVS iQube) என்ற புதிய மாடல் இருசக்கர மின்சார வாகனத்தை அறிமுகம் செய்துள்ளது.

அனைத்து தரப்பு மக்களுக்கும் இரு சக்கர மின்சார வாகன வசதி கிடைக்கும் வகையில் டி.வி.எஸ் மோட்டார் நிறுவனத்தினர் தங்களது சொந்த தொழில்நுட்பத்தை பயன்படுத்தி உருவாக்கிய முன்னோடி தயாரிப்பான ஐகியூப் இரு சக்கர மின் வாகனங்களின் விற்பனை 3,00,000 என்ற மைல் கல்லை எட்டியதாக அந்நிறுவனம் தெரிவித்துள்ளது.

“இந்திய அளவில் மக்களால் பெரிதும் விரும்பப்படும் டி.வி.எஸ் மோட்டர் நிறுவன தயாரிப்புகளான ஐகியூப் என்ற 2.2 கிலோவாட் மின் சக்தி கொண்ட மாடல், டி.வி.எஸ் ஐகியூப் எஸ்.டி என்ற 3.4 கிலோவாட் மற்றும் 5.1 கிலோவாட் ஆகிய பேட்டரி ஆற்றல் கொண்ட இரு மாடல்களும் இப்போது சந்தையில் விற்பனைக்கு வந்துள்ளன. இதன் ஆரம்ப ஷோரூம் விலை ரூ.1.15 லட்சம்.

இந்தியா முழுவதும் உள்ள எங்களது 434 ஷோ-ரூம்களில் அவை இப்போது விற்பனைக்கு கிடைக்கின்றன. வாடிக்கையாளர்களின் வாகன இயக்கத்தில் உற்ற துணையாக உள்ள டி.வி.எஸ் மோட்டார் நிறுவனம் தற்போது நம்பிக்கைக்குரிய மின்சார வாகனத்தை இயக்கும் அனுபவத்தை தருவதுடன் அவர்கள் வெற்றிப்பயணத்தை தொடரவும் துணை நிற்கிறது.

டி.வி.எஸ் ஐகியூப் 2.2 கிலோவாட் பேட்டரி, 3.4 கிலோவாட் பேட்டரி மற்றும் அதே அளவு பேட்டரி கொண்ட டி.வி.எஸ் ஐகியூப் எஸ் என்ற வகைகளும், 3.4 கிலோவாட், 5.1 கிலோவாட் பேட்டரி சக்தி கொண்ட டி.வி.எஸ் ஐகியூப் எஸ்.டி என்ற மாடலும் சேர்த்து 5 வகையான இருசக்கர வாகனங்கள் தற்போது விற்பனைக்கு வைக்கப்பட்டுள்ளன.

டி.வி.எஸ் ஐகியூப் 2.2 கிலோவாட் பேட்டரி சக்தி கொண்ட இரு சக்கர வாகனங்கள் 950 வாட் சார்ஜர், 5 அங்குல அகலம் கொண்ட டி.எப்.டி வண்ணத்திரை, இரண்டு மணிநேரத்தில் 80 சதவீதம் விரைவாக சார்ஜ் ஆகும் திறம் கொண்டவையாக உள்ளன. அத்துடன், பாதுகாப்பு எச்சரிக்கை அம்சங்கள், திருப்பங்களில் வழிகாட்டும் அமைப்பு, பேட்டரி உபயோக எச்சரிக்கை, இருக்கையின் கீழ் 30 லிட்டர் அளவுள்ள பொருட்கள் வைப்பிடம், 75 கி.மீ அதிகபட்ச வேகம், ஜூன் 30 வரை ரூ.94,999 என்ற அறிமுக விலை, வால்நட் பழுப்பு மற்றும் முத்து வெள்ளை ஆகிய நிறங்களில் கிடைக்கின்றன.

டி.வி.எஸ் ஐகியூப் எஸ்.டி 5.1 கிலோவாட் பேட்டரி சக்தி கொண்ட இரு சக்கர வாகனங்கள் சார்ஜ் செய்தால் 150 கி.மீ தூரம் செல்லும் வகையிலும், 7 அங்குல அகலமுள்ள டி.எப்.டி வண்ணத்திரை, 950 வாட் சார்ஜர், 4 மணி 18 நிமிட நேரத்தில் சார்ஜ் ஆகும் திறன், 118-க்கும் மேற்பட்ட பலவகை இயக்க அம்சங்கள், குரல் வழி வழிகாட்டல், டிஜிட்டல் ஆவணங்கள் சேமிப்பு வசதி, இருக்கையின் கீழ் 32 லிட்டர் அளவுள்ள சேமிப்பறை, அதிகபட்சம் 82 கி.மீ செல்லும் திறம் ஆகிய அம்சங்கள் கொண்டவையாக உள்ளன. ரூ.1,85,373 என்ற அறிமுக ஷோ-ரூம் விலை மற்றும் ஜூலை 15-க்குள் வாங்குபவர்களுக்கு ரூ.10 ஆயிரம் போனஸ், வெண்கலம், பவளம், சாம்பல், நீலம் ஆகிய வண்ணங்களில் விற்பனைக்கு கிடைக்கின்றன.

டி.வி.எஸ் ஐகியூப் எஸ்.டி 3.4 கிலோவாட் பேட்டரி சக்தி கொண்ட இரு சக்கர வாகனங்கள் சார்ஜ் செய்தால் 100 கி.மீ தூரம் செல்லும் வகையிலும், 7 அங்குல அகலமுள்ள டி.எப்.டி வண்ணத்திரை, 950 வாட் சார்ஜர், 2 மணி 50 நிமிடத்தில் சார்ஜ் ஆகும் திறன், 118-க்கும் மேற்பட்ட பலவகை இயக்க அம்சங்கள், குரல் வழி வழிகாட்டல், டிஜிட்டல் ஆவணங்கள் சேமிப்பு வசதி, இருக்கையின் கீழ் 32 லிட்டர் அளவுள்ள சேமிப்பறை, அதிகபட்சம் 78 கி.மீ செல்லும் திறம் ஆகிய அம்சங்கள் கொண்டவையாக உள்ளன. ரூ.1,55,555 என்ற அறிமுக ஷோ-ரூம் விலை-இ.எம்.பி.எஸ் மானியம் உள்பட, வெண்கலம், பவளம், சாம்பல், நீலம் ஆகிய வண்ணங்களில் விற்பனைக்கு கிடைக்கின்றன.