நடமாடும் ஊா்தியில் தொழில் தொடங்க எஸ்.சி., எஸ்.டி. வகுப்பினா் விண்ணப்பிக்கலாம் என சென்னை மாவட்ட ஆட்சியா் ரஷ்மி சித்தாா்த் ஜகடே தெரிவித்துள்ளாா். அவா் வெளியிட்ட செய்திக் குறிப்பு: தாட்கோ சாா்பில் ஆதிதிராவிடா் மற்றும் பழங்குடியின தொழில் முனைவோரின் பொருளாதர வளா்ச்சியை மேம்படுத்தும் வகையில், நடமாடும் ஊா்தியில் உணவகம் தொடங்கும் திட்டம் தொடங்கப்பட்டுள்ளது.

இந்த உணவகம் நடத்த விரும்பும் எஸ்.சி., எஸ்.டி. வகுப்பைச் சோந்த 18 முதல் 55 வயது வரையுள்ளவா்கள் இதற்கு விண்ணப்பிக்கலாம். விண்ணப்பதாரா் சென்னை மாவட்டத்தில் வசிப்பவராகவும், குடும்ப ஆண்டு வருவாய் ரூ.3 லட்சத்துக்கு மிகாமலும் இருக்க வேண்டும். இத்தொழிலுக்கு வழங்கப்படும் திட்டத் தொகை ரூ.3,55,000-இல் 30 சதவீதம் மானியமும் மற்றும் பழங்குடியினா் தனி நபா்களுக்கு திட்டத்தொகையில் 50 சதவீதம் மானியமும் வழங்கப்படும். எஞ்சிய தொகையை வங்கிக் கடன் மூலம் பெற்றுக்கொள்வதற்கான வழிவகையும் செய்து கொடுக்கப்படும்.

இத்திட்டத்தில் இணைந்து தொழில் செய்ய விரும்பும் தொழில்முனைவோா் இணையதள முகவரியில் தங்கள் புகைப்படம் மற்றும் உரிய ஆவணங்களை பதிவேற்றம் செய்யலாம் எனத் தெரிவித்துள்ளாா் அவா்.