இந்த உலகத்தில் உள்ள யாரும் யாரைபோலவும் இருப்பது இல்லை. ஒத்த இரட்டையர்கள் கூட பார்க்க ஒரே மாதிரி இருந்தாலும் அவர்களது உடலியல் ரேகைகள் வெவ்வேறாகத் தான் இருக்கும். குணாதிசயங்கள் நிச்சயம் ஒரே மாதிரி இருக்காது. ஆனால் ஆள் பாதி ஆடை பாதி என்பது நிறைய விஷயங்களில் ஊர்ஜிதம் ஆகிறது. ஒரு நபரின் சில அமைப்புகளை இப்படியான குணங்களைக் கண்டு இருப்பர் என்று சொல்ல முடியும்.ஒவ்வொரு நபரும் அவரது பெயர், வேலை மற்றும் குடும்பத்தால் அறியப்படுகிறார், ஆனால் ஒருவர் அமர்வது, உறங்குவது, எழுந்திருக்கும் நேரம், நிலை மற்றும் நடத்தை போன்றவற்றிலிருந்து பல விஷயங்களை ஊகிக்க முடியும். 

தனுடன், மனித உடலின் வடிவமும் நபரைப் பற்றி சொல்கிறது. சொல்லப்போனால் உங்கள் தடையின் வடிவம் கூட உங்கள் குணாதிசயங்களை வெளிபடுத்துமாம்.முக வாசிப்பில் நிபுணரும் தி விஸ்டம் ஆஃப் யுவர் ஃபேஸின் ஆசிரியருமான ஜீன் ஹானர் இதுகுறித்து கூறும்போது 3,000 ஆண்டுகள் பழமையான முக வாசிப்புப் பயிற்சியின் மூலம் தெரிய வந்துள்ள உண்மை என்னவென்றால், நீங்கள் உங்களின் உளவியல் பண்புகள் கொண்டே உங்கள் முகத்தில் குறிப்பிட்ட அம்சங்களுடன் பிறந்திருக்கிறீர்கள் . உங்கள் முகம் உங்களைப் பற்றிய கோடிக்கணக்கான ரகசியங்களைக் கொண்டுள்ளது என்கிறார்.டிக்டாக் மற்றும் இன்ஸ்டாகிராம் போன்ற சமூக ஊடகங்கள் முழுவதும் ட்ரெண்டிங்கில் உள்ள ஜாலைன் பயிற்சிகளை நாம் காண்கிறோம். இது கூர்மையான தாடைகளை ஒரு அழகு இலட்சியமாக கொண்டு வர பயிற்சி அளிக்கிறது.

ஆனால் கூர்மையான தாடையின் பின்னணியில் உள்ள உளவியல் என்ன? உங்களிடம் வலுவான தாடை அல்லது பலவீனமான தாடை இருந்தால் என்ன அர்த்தம்? உங்கள் தாடை மூலம் என்ன ஆளுமை ரகசியங்கள் வெளிப்படுகின்றன?இன்று, இரண்டு வகையான தாடை வடிவங்களின் அடிப்படையில் உங்கள் ஆளுமைப் பண்புகளை உங்களுக்கு சொல்கிறோம். பொதுவாக நமது தாடை நம் மன உறுதி, தன்மை, சகிப்புத்தன்மை, வலிமை, நெகிழ்வுத்தன்மை மற்றும் பலவற்றைக் குறிக்கிறது.ஒரு எளிய தாடை ஆளுமை சோதனை சில நிமிடங்களில் உங்கள் மறைக்கப்பட்ட பண்புகளை வெளிப்படுத்தும்.

வலுவான கூர்மையான தாடை :உங்களிடம் வலுவான தாடை இருந்தால்,நீங்கள் அதிக அளவு வலிமை, ஆற்றல் மற்றும் உறுதியைக் கொண்டிருப்பதை வெளிப்படுத்துகின்றன. கூர்மையான தாடைகளைக் கொண்டவர்கள் நம்பிக்கையுடனும், உறுதியுடனும், லட்சியத்தை நோக்கி ஓடுபவராகவும் இருப்பார்கள். நீங்கள் முடிவெடுப்பதிலும் பொறுப்பேற்றுக் கொள்வதிலும் வல்லவர்.பெரிய திட்டங்களை எடுத்து, எதிர்பார்ப்புகளுக்கு அப்பாற்பட்ட முடிவுகளை வழங்குவதற்கு நீங்கள் துணிந்தவர். உங்களுக்காக சாத்தியமற்ற இலக்குகளை நிர்ணயித்து அவற்றை அடைவதில் நீங்கள் மகிழ்ச்சி அடைகிறீர்கள். நீங்கள் எப்போதும் ‘அடுத்து என்ன?’ என்று தேடி போய் செய்து முடிபவர். 

நீங்கள் பெரும்பாலும் நம்பிக்கையுடனும், தன்னிறைவுடனும், தன்னம்பிக்கையுடனும் இருப்பீர்கள்.நீங்கள் பெரும்பாலும் இயல்பான தலைவர்களாகக் காணப்படுவீர்கள். மற்றவர்களை ஊக்குவிக்கும் திறன் உங்களிடம் உள்ளது.நீங்கள் உறுதியான மற்றும் சவால்களில் இருந்து மீண்டு வரக்கூடியவர். உங்கள் வாழ்க்கையின் ஆரம்பத்தில் நீங்கள் கஷ்டங்களை அனுபவித்திருக்கலாம், ஆனால் நீங்கள் அதை சமாளிக்க கற்றுக்கொண்டீர்கள் . சில சமயங்களில் உங்கள் கருத்துக்களை கடுமையாக வெளிபடுத்தி மற்றவர்களை காயப்படுதலாம். அதில் மட்டும் கொஞ்சம் கவனம் கொண்டால் சிறப்பு.தளர்வான தாடை ஆளுமைப் பண்புகள்உங்களுக்கு பலவீனமான தாடை இருந்தால், உங்கள் ஆளுமைப் பண்புகள் நீங்கள் மென்மையானவர், கனிவானவர், பச்சாதாபம் மற்றும் புரிதல் உள்ளவர் என்பதை வெளிப்படுத்துகிறது. நீங்கள் மற்றவர்களின் கண்ணோட்டத்தில் இருந்து விஷயங்களைப் பார்க்கவும், மற்றவர்களுக்கு ஆதரவாகவும் இருக்கலாம். உங்களது தேவைகளை விட மற்றவர்களின் தேவைகளை நீங்கள் அதிகமாக வைக்கலாம். 

மனித உணர்ச்சிகளைப் பற்றிய ஆழமான புரிதல் உங்களுக்கு இருக்கலாம்.நீங்கள் பெரும்பாலும் மென்மையான தோற்றத்தைக் கொண்டிருப்பீர்கள், இது பெரும்பாலும் மக்கள் உங்களை பலவீனமாக உணரவும் உங்களைப் பயன்படுத்திக் கொள்ளவும் செய்கிறது. நீங்கள் பாதிக்கப்படக்கூடிய ஆளாகவும் நீங்கள் இருக்கலாம். நீங்கள் மற்றவர்களிடம் மனம் திறந்து உங்கள் உணர்வுகளை எளிதில் பகிர்ந்து கொள்ளலாம்.நீங்கள் மற்றவர்களின் கருத்து அல்லது ஆலோசனையை எளிதாகக் கேட்கலாம் அல்லது பின்பற்றலாம். உங்கள் உணர்ச்சிகளை முழுமையாக அடிப்படையாகக் கொண்டு நீங்கள் உறுதியற்றவராகவும் முதிர்ச்சியற்றவராகவும் செயல்படலாம். நீங்கள் சுதந்திரமாக வியாபாரம் செய்வதைத் தவிர்க்க முயற்சி செய்யலாம். ஆனால் மோதல்களைத் தீர்ப்பதில் நீங்கள் இராஜதந்திர மற்றும் ஒத்துழைப்புடன் இருக்கலாம். 

நீங்கள் மோதல்களை வெறுக்கிறீர்கள்.உங்கள் முடி வகை கூட மறைக்கப்பட்ட உங்கள் ஆளுமைப் பண்புகளை சொல்லுமாம்.. நீங்க எப்படி?புதிய யோசனைகளைக் கொண்டு வருவதில் வல்லவராக இருக்கலாம். நீங்கள் கலை அல்லது பிற படைப்புத் துறைகளில் தொழிலைத் தொடரலாம். இப்போது, நீங்கள் உணர்ச்சிவசப்பட்டு, உந்தப்பட்டு, உங்கள் கனவுகளைப் பின்பற்றி, உங்கள் இலக்குகளை ஆர்வத்துடன் தொடர அதிக வாய்ப்புள்ளவர். அபாயங்கள் மற்றும் நிச்சயமற்ற தன்மைகளைத் தவிர்ப்பதற்கான உங்கள் விவேகமான முயற்சியில் நீங்கள் அதிக எச்சரிக்கையுடன் இருக்கலாம். அதிக எச்சரிக்கையுடன் இருப்பது சில நேரங்களில் வாய்ப்பை இழக்க வழிவகுக்கும் என்பதை நீங்கள் நினைவில் கொள்ள வேண்டும்.